Байқаудың мақсаты: Қыз баланың жан дүниесіндегі көркемдік талғамын қалыптастыру. Қоғам мүшесі ретінде тұлғалық болмысын дамыту. Қазақтың салт-дәстүрі жайлы білімін шыңдау. Сондай-ақ, оларды мейірімділікке, әдептілікке және Отансүйгіштікке баулу.
Сайысқа қатысушылар «Өзге емес, өзім айтам өз жайымды...», «Жұлдызың жансын!», дефиле және зияткерлік сайысы кезеңдері бойынша сынға түсті. Сондай-ақ, байқау аясында қатысушылар қайырымдылық, танымдық, көңіл көтеру іс-шараларына қатысты. Сахна мәдениеті мен сөйлеу мәдениеті (тіл байлығы), актерлық шеберлігі, индивидтік қасиеттері, білімі, сұлулығы, қосымша іс-шаралардағы өзін-өзі көрсетуі негізінде бағаланған арулар сайысқа сақадай сай екендіктерін барынша көрсете білді.
Мәдениет және өнер саласының майталмандары қазылық етен байқауда оза шапқандар төмендегідей:
Бас жүлде – техника және құрылыс колледжінің студенті Ақгүл Зейнолла.
Жүлделі бірінші орын Аружан Мәнжі.
Жүлделі екінші орын Қарағанды экономикалық Университетінің студенті Балжан Серікбол.
Жүлделі үшінші орын А. Құнанбаев атындағы Саран гуманитарлы-техникалық колледжінің студенті Әлия Сайлау.
«Көрермендер көзайымы» аталымы Қарағанды экономикалық Университетінің студенті Диана Рахметоллинаға берілді.
Жүзден жүйрік, мыңнан тұлпар шыққан арулар Кеншілер мәдениет сарайы тағайындаған диплом мен арнайы сыйлық, сондай-ақ демеушілер тарапынан берілген сыйлықтарға ие болды. Ал, байқауға қатысушыларға Алғыс хат пен демеушілер тағайындаған арнайы сыйлықтар тапсырылды.
https://dkg-karaganda.kz/kz/zha-aly-tar/131-ara-andy-alasyny-85-zhyldy-yna-oraj-studentter-arasynda-k-ktem-aruy-2019-oblysty-baj-auy-tti.html#sigFreeIdeb75c2dfd6